අප ගැන
ප්‍රධාන ලේකම් කාර්යාලය
දකුණු පළාත් සභාවේ ආයතන පරිපාලන මධ්‍යස්ථානය වන ප්‍රධාන ලේකම් කාර්යාලය, ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාවේ දහතුන්වන සංශෝධනය යටතේ දකුණු පළාත් සභාවට පැවරී ඇති බලතල අනුව, පළාත් අමාත්‍යාංශ, දෙපාර්තමේන්තු සහ බලධාරීන් විසින් කාර්යයන් නිසි ලෙස ඉටු කිරීම සහතික කරයි, එම ආයතනවල වැඩසටහන් සම්බන්ධීකරණය කරයි, මූල්‍ය හා භෞතික සම්පත් සංවර්ධනය කරයි සහ මානව සම්පත් කළමනාකරණය සහ පුහුණුව සිදු කරයි.
මෙම පරිපාලන මධ්‍යස්ථානයේ සෘජු අධීක්ෂණ කාර්යයන් ක්‍රියාත්මක කිරීමේ වගකීම් සහ බලතල ප්‍රධාන ලේකම්වරයා සතු වේ. 1987 අංක 42 දරන පළාත් සභා පනතේ 31 වන වගන්තිය යටතේ පළාතේ ප්‍රධාන අමාත්‍යවරයාගේ කැමැත්ත ඇතිව අතිගරු ජනාධිපතිතුමා විසින් ප්‍රධාන ලේකම්වරයා පත් කරනු ලැබේ.
දැක්ම....
යහපාලනය සහ උපායමාර්ගික කළමනාකරණය භාවිතා කරමින් දකුණ සමෘද්ධිමත් පළාතක් බවට පත් කිරීම.
මෙහෙවර....
දකුණු පළාතේ මානව, භෞතික හා මූල්‍ය සම්පත් කාර්යක්ෂමව, ඵලදායීව හා ආර්ථික වශයෙන් භාවිතා කිරීම තුළින් දකුණු පළාතේ ආර්ථික, සමාජීය හා සංස්කෘතික සංවර්ධනය සහ ජාතික ආර්ථිකයට ඉහළ දායකත්වයක් ලබා දීම.
ප්‍රධාන කාර්යයන්....
දකුණු පළාතේ සියලුම පරිපාලන කටයුතු සිදු කිරීම
වැඩසටහන් සැලසුම් කිරීම සහ සම්බන්ධීකරණය සඳහා ආයතනික ක්‍රියාකාරී සැලසුම් සකස් කිරීම
පළාත් සංවර්ධනය සම්බන්ධයෙන් අවශ්‍ය තීරණ ගැනීම සඳහා මාර්ගෝපදේශය. ප්‍රාදේශීය සංවර්ධන වැඩසටහන් සහ වැඩ සම්බන්ධීකරණ ක්‍රියාකාරී සැලසුම් උපාය මාර්ග සංවර්ධනය කිරීම.
විමධ්‍යගත සැලසුම් අයවැය සහ වැඩසටහන් සම්බන්ධීකරණය සඳහා මග පෙන්වීම.
අගයයන්....
සමානාත්මතාවය
කාර්යක්ෂමතාවය
සපලතාවය
විනිවිදභාවය
සහභාගීත්වය
සදාචාරය
සන්නිවේදනය
කාර්ය සාධනය
